هذه قصيدة من كلمات سمو الامير الشاعر عبد الرحمن بن مساعد وقد غناها الفنان عبادي جوهر
ابسألك .. هو أنا استاهلك ؟!
استاهل الدمع اللي جرّح وجنتك ؟
استاهل اني اعشقك ؟
ابسألك عن حالنا .. انتي و انا
ياللي احس .. انك انا
حالنا ما هو غريب
انّا نكون متأكدين ان الفراق ما هو بعيد
بالرغم من جرح السنين
عشقنا دايم يزين
ماهو غريب .. اني لو مرة في همي
نسيت و بكلمة جرحتك
قبل ما تتألمين .. اللي ينزف هو دمي
ابسألك ماهو غريب .. استاهلك
ابسألك لو قلت لك ان الحنان اللي في قلبك
ينبت من الصخر الزهر ..
و ان النهار اللي في خدودك يخلي النسمة عطر ..
و ان العذاب اللي في عيونك يعلّم الناس الشعر ..
و لو قلتلك اني احبك اكثر من هموم البشر
و كثر الجفا وكثر السهر ... لو قلت لك
و انك اقرب من عيوني للنظر
كل الذي اقدر اقوله
و اللي ما اقدر اقوله
استاهلك .. حبيبتي ؟!
و باجاوبك .. للأسف ما به احد يستاهلك
يمكنك التعليق على هذا الموضوع تحويل كودإخفاء محول الأكواد الإبتساماتإخفاء
ملحوظة: يمكن لأعضاء المدونة فقط إرسال تعليق.