1_ 2 محششين واحد بيقول للتانى هوا يحصل ايه يا جدع لو الواحد قام من النوم الصبح التقى نفسه ميت.......رد التانى بس يا جدع متقولش كده والله الواحد كان اتشل فيها .
هههههههههههههههه
2_ واحدة وحشة قوى بتقول لجوزها مبتعمليش ليه زى ما أبو محمد بيعمل مع أم محمد...قال لها بيعمل ايه يا وليه .....قالت له بيدلعها بيقولها بحبك يأخدها السيما قال لها خلاص يا ولية أنا مستعد أعمل زى أبو محمد (بس أم محمد هتوافق)
ههههههههههههههههه
3_ حدث بالفعل في دمياط
واحد من الناس مات وقرر الناس انهم يصلوا عليه ركعتين قبل صلاة الجنازة ودخلوا راجل كبير من الناس يصلي بيهم.... الرجل طاعن في السن وخاف بعض الناس انه يغلط في الصلاة ، لكن الحمد لله الراجل صلي زي الفل الركعة الاولي والتانية وفي نهاية الركعة التانية وقبل ما يسلم مباشرة لف وشه ناحية الناس وراح قايل لهم.
(الا صحيح يا أخوانا هوا كيلو البصل بكام ب 30 قرش ولا ب 35 في ناس بتقول ب 30 وناس بتقول ب35 والواحد معدش عارف يصدق مين).
هههههههههههههههههه
4_واحد بيقول لابوه يا بابا أنا عايز اتزوج من بنت جارتنا اللي تحت منا ...الأب قال لابنه يا ابني انا كنت اعرف امها وممكن تطلع أختك شوف لك واحدة تانية......
قاله خلاص جوزني رشا بنت جارتنا اللي فوق مننا ...... الأب قال لابنه برضه دي كنت أعرف أمها وممكن تطلع أختك....
الابن قعد يبكي وأشتكي لأمه ..... قالت له اتجوز اللي أنت عايزها هوا أصلا مش أبوك....
5_افراد دخلوا يصلوا العشاء وهما مستعجلين ومحدش لحق يعرف هما في الركعة الكام....فقام واحد ناصح منهم سأل اللي جمبه هما في الركعة الكام.........رد التاني .......والله ما أعرف ....رد الثالث........انتوا بتتكلموا في الصلاة.......رد الرابع........والله ولا واحد فيكم صلاته مقبولة .رد الخامس.....الحمد لله انا متكلمتش.....
هههههههههههههه
6_واحد بيقول لواحد صاحبه انا عايزك تجاوبني بصراحه ، قال له وماله ، قال له الاغلي عندك ابوك ولا كيلو اللحمة......قال له عيب عليك يا جدع ........... والله شوية الشوربة احسن من امه.
7_واحد صعيدى حطوه علي جهاز كشف الكذب وقالوا له أوعى تكذب لو كذبت اللمبة هتنور....فهمت قال لهم ايوة فهمت (قامت اللمبة منورة) .
هههههههههههههه
8_ واحدة وحشة قوى بتقول لجوزها تحب أظهر على مين واستخبى من مين ...جوزها قرفان منها قوى ، قال لها :أظهرى على كل الناس واستخبى منى أنا.
9_اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو الظاهر انها الحلقه الاخيره.....
10_مرة اثنين مساطيل قاعدين على القهوة فواحد بيقول للتانى فيك من يكتم السر ، فقالة فى بير ، قالة بصراحة محتاج عشرة جنية قام المسطول التانى لافف وشه وقايل ولا كأنى سمعت حاجة.
11_واحد صينى بيقول لواحد صعيدى شانج شونج شوانج كوكاكولا...... رد عليا الصعيدى : بتقول عايز 10 ازايز أيه؟
هههههههههههههههه
12_سألو واحد بخيل طحن: تعمل ايه لو الدنيا بردت؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية.
13_حدث بالفعل شيخ فى احد المساجد كان عندهم عقد قران فبيهزر فبيقول طيب اللى حماته مزعلاه يقوم يقف الجامع كله وقف الا واحد الشيخ راح جمبه وقال له ماشاء الله انت الوحيد اللى حماتك مش مزعلاك قال له : لا والله يا عم الشيخ المسألة مش كده بس أنا من كتر الضرب معتش قادر أقف....
هههههههههههههههههه
14_سألوا محشش: منو أهم الشمس ولا القمر؟ قال القمر طبعا..القمر يطلع بالليل ينور لنا والدنيا ظلمة.. أما الشمس تطلع بالنهار والدنيا نور أصلا...
15_اثنين توائم واحد محظوظ والتانى منحوس كل شوية يروحوا يسرقوا الموز من بستان الفلاح...... المهم المنحوس يطلع يهز الشجرة والمحظوظ يلم اللى يوقع...
يجى الفلاح يلاقيهم يقول لرجالته امسكوا اللى على الشجرة المحظوظ يهرب من الفلاح والمنحوس ميلحقش ينزل من على الشجر ويأكل علقة وكل يوم من دا ........
لحد ما جيه يوم المنحوس رفض يطلع الشجرة وقال للمحظوظ اطلع انت انا قفايا ورم من الضرب جه الفلاح كالعادة راحوا الرجالة يمسكوا المحظوظ من على الشجرة قال لهم لأ احنا كل مرة بنضرب الغلبان ده حاتولى ابن الكلب اللى كل مرة يهرب ده...
ههههههههههههههههه
16_اخترعوا ألة جديدة فى امريكا بتمسك الحرامية ودوها انجلترا مسكت 100 حرامى ودوها فرنسا مسكت 150 جابوها مصر .....الألة اتسرقت....
17_بيقول لك واحد صاحبنا كان عنده عربية مهكعة ومسكونة بعفريت وعايز يبيعها ب 200 ألف جنيه فكل واحد يتمألت عليه ويسيبه ويمشى لحد ما واحد سأله هيا فيها ايه يستاهل ال 200 ألف ورد عليا تعاله اركب فيها وانا اقول لك ......
ال 2 ركبوا العربية قام المعلم قايل للعفريت الي في العربية اعملي لنا 2 شاى وعلى الفور جاله ال 2 الشاى صاحبنا قال له شفت فيها عفريت بينفز كل طلاباتك ، الزبون دفع ال 200 الف وراح البيت ونده مراته واولاده واستدعى العفريت وقال له انا عايز مليون جنيه وفيلا وطيارة وووووو.......... رد عليه العفريت حيلك حيلك مبعملش الا شاى بس....
18_واحد بلديتنا بخيل قوى راكب القطر هوا وابنه الصغير وكل ما الكمسرى يعدى يقوم شايل ابنه وحاطه بره الشباك ويمسكه بايده اليمين علشان ميحاسب عليه...... فالكمسرى استغرب وراح سأله ايه اللى فى ايدك اليمين ، صاحبنا راح ضارب كف على كف وقايل :اهوه مش فى ايديا حاجة...
19_مسطول راح المحكمة القاضى بيسأله انت متجوز مين؟ قاله:واحدة ست,القاضى قاله ، انت هتهرج؟ امال فى حد بيتجوز راجل , قاله :اه اختى متجوزة واحد راجل .
هههههههههههههههه
20_مسطول ماشى فى الشارع فقابل واحد قاله :أزيك يا محمد أنت اتغيرت قوى يا محمد عنيك ووشك وكل شكلك اتغيرت قوى يا محمد ..رد عليه لكن أنا مش محمد قال له وكمان غيرت اسمك يا محمد...
21_واحد بلدياتنا أعمى راح يزوربنت خالته وكانت بتستحمى لما سمعته على الباب قالت مش مشكلة مهوا اعمى....وخرجت فتحت له وهيا عريانة.. صاحبنا دخل وقعد وقام قايل لها :متدريش باللى حصل يا نهى....قالت له أيه اللى حصل يا عوضين قال لها لا والله شكلك ما تعرفى ... قالت له أنجز أيه اللى حصل... قال لها :مش أنا فتحت.......
هههههههههههههههه
22_أستاذ بيسأل الطلبة عن حيوان بيطير رد عليه واحد وقال له الفيل يا أستاذ قال له أنت غبى الفيل بيطير انت أبوك بيشتغل ايه قال له فى المخبرات يا استاذ ، قال له والله يا ابنى الفيل ممكن يطير بس لو شد حيله....
23_مرة واحد عاقل كان ماشى فى الشارع فشاف طابور طويل فراح يسأل فى ايه يمكن بيوزعوا لحمة كل مايسال واحد يقول له اسال اللى قدامك لحد ما وصل لاول واحد قال له فى ايه يا بلادينا انت واقف كده ليه قال له والله يا باشا ما فى حاجة انا كنت تعبان وقفت أسند على الجدار لقيت الناس وقفت ورايا قلت اقف بأه قال له العاقل يعنى مش هيوزعوا حاجة قال له لأ يا محترم أنت فهمت غلط قال له طيب عايزين الناس دى تروح مصالحها قال له وانا أعملهم ايه قال له لو أنت مشيت هيمشوا كلهم قال له يعنى المطلوب ايه قال له أمشى من هنا.....
رد عليه الغبى : أمشى مين دا أنا جاى أول واحد...
يمكنك التعليق على هذا الموضوع تحويل كودإخفاء محول الأكواد الإبتساماتإخفاء
ملحوظة: يمكن لأعضاء المدونة فقط إرسال تعليق.